މި މިނިސްޓްރީން ކުއްޔަށްދޫކޮށްފައިވާ ޓޫރިސްޓް ރިޒޯޓުތަކާއި ގެސްޓްހައުސްތަކާއި ހޮޓާތަކުގެ ބިމު ކުލި ފަސްކޮށްދިނުމާއިގުޅޭ
ކޮވިޑް -19 ގެ ބަލިމަޑުކަމާ ގުޅިގެން ފަތުރުވެރިކަމުގެ ދާއިރާއަށް ދިމާވެފައިވާ މާލީ ހީނަރުކަމުގެ ސަބަބުން ވިޔަފާރިތައް ދެމެހެއްޓުމަށްޓަކައި އެފަރާތްތަކަށް މާލީ އެހީތެރިކަމާއި އިތުރު ލުއިތައް ފޯރުކޮށްދިނުމަށްޓަކައި މި މިނިސްޓްރީން ކުއްޔަށްދޫކޮށްފައިވާ ރިޒޯޓުތަކުން 2020 ވަނަ އަހަރުގެ ތިންވަނަ ކުއާޓަރާއި ހަތަރުވަނަ ކުއާޓަރަށް ނިސްބަތްވާ ބިމު ކުލި 1 ޖޫން 2021 އިން ފެށިގެން ދައްކާ ގޮތަށް މިނިސްޓްރީ އޮފް ފިނޭންސް ގެ ނަންބަރު (28 ޖޫން 2020) ސަރކިއުލަރ އިން ވަނީ ކަނޑައަޅާފައެވެ.
އެހެންކަމުން މަތީގައިވާ ގޮތުގެ މަތިން ފަސްކޮށްދީފައިވާ ކުލި ދައްކަން ފަށާނީ 1 ޖޫން 2021 އިން ފެށިގެން 4 (ހަތަރެއް) ކުއާޓަރަށް ބަހައިލައިގެން އަންނަނިވި ސުންގަޑިތަކަށެވެ.
- ފުރަތަމަ ކުއާޓަރލީ ޕޭމަންޓް 30 ޖޫން 2021
- ދެވަނަ ކުއާޓަރލީ ޕޭމަންޓް 30 ސެޕްޓެމްބަރ 2021
- ތިންވަނަ ކުއާޓަރލީ ޕޭމަންޓް 31 ޑިސެމްބަރ 2021
- ހަތަރުވަނަ ކުއާޓަރލީ ޕޭމަންޓް 31 މާރިޗު 2022
އަދި ފަސްކޮށްދޭ ކުއްޔަށް ފައިސާ ނުދެއްކުމާއި ގުޅިގެން ޖޫރިމަނާ އާއި އިންޓްރެސްޓް ހިނގަން ފަށާނީ މަތީގައި ބަޔާންކޮށްފައިވާ ތާރީޚުތަކަށް ފައިސާ ދައްކާފައިނުވާނަމައެވެ.